- Атырау облысындағы төрт нысанда:
Қалдықтарды басқару кешені (ҚБК)
Қалдықтарды басқару кешені (ҚБК) Махамбет ауданындағы Атырау — Орал тас жолының 8-ші шақырымында орналасқан. Объектінің аумағында өндіріс және тұтыну қалдықтарының әртүрлі түрлерін қабылдау, сұрыптау, қайта өңдеу, залалсыздандыру жөніндегі учаскелер, сондай-ақ сарқынды суларды қабылдауға және өңдеуге арналған учаскелер бар.
Қалдықтарды өңдеу және орналастыруға арналған кешенді полигон (ҚӨжОКП)
Қалдықтарды өңдеу және орналастыруға арналған кешенді полигоны (ҚӨжОКП) Мақат ауданындағы Атырау-Доссор тас жолының 38-ші шақырымында орналасқан. Объект өндіріс және тұтыну қалдықтарының әртүрлі түрлерін қабылдауға, сұрыптауға, өңдеуге, орналастыруға және көмуге арналған, сондай-ақ тазартылған суларды жинақтаушы тоғанға бұрып немесе бөгде ұйымдарға бере отырып, сарқынды суларды тазартудың толық циклі көзделген. 2024 жылы полигонда қосымша инфрақұрылымды пайдалануға беру жоспарланған.
«Теңіз» қалдықтармен жұмыс жасау кешені (ҚЖК)
«Теңіз» Қалдықтармен жұмыс жасау кешені (ҚЖК) Атырау облысының Жылыой ауданында Теңіз мұнай кен орнының жанында орналасқан. Кешен ККЖ жобасы үшін, сондай-ақ «Теңізшевройл» ЖШС негізгі өндірісі үшін логистикалық қызметтерді қолдаудың өндірістік базасы болып табылады. Бұдан басқа Кешен Теңізде клиенттер үшін қауіпті өндірістік қалдықтарды қабылдау және қайта өңдеу жөніндегі объектіні білдіреді.
«Прорва» қалдықтармен жұмыс жасау кешені (ҚЖК)
«Прорва» Қалдықтармен жұмыс жасау кешені (ҚЖК) Атырау облысының Жылыой ауданындағы Прорва жеріне жақын орналасқан. Объектінің аумағында өндіріс және тұтыну қалдықтарының әртүрлі түрлерін қабылдау, сұрыптау, қайта өңдеу, ағынды суларды залалсыздандыру бойынша учаскелер, тазартылған ағындарды жинақтаушы тоған, сондай-ақ шаруашылық-тұрмыстық сарқынды суларды қабылдауға және қайта өңдеуге арналған тазарту құрылыстары кешені орналасқан. 2024 жылы нысанда биологиялық әдіспен одан әрі өңдеу үшін мұнай шламын және мұнаймен ластанған топырақты қабылдауды бастау жоспарлануда.
- Маңғыстау облысындағы екі нысанда:
«Өзен» қалдықтармен жұмыс жасау кешені (ҚЖК)
«Өзен» Қалдықтармен жұмыс жасау кешені (ҚЖК) Қарақия ауданында Өзен кен орнына жақын орналасқан. Кешен негізінен мұнаймен ластанған топырақ пен мұнай шламын қабылдауға арналған, сондай-ақ объектінің аумағында өндіріс және тұтыну қалдықтарының әртүрлі түрлерін қабылдау, сұрыптау, өңдеу, залалсыздандыру бойынша учаскелер орналасқан.
«Қошанай» қалдықтармен жұмыс жасау кешені (ҚЖК)
«Қошанай» Қалдықтармен жұмыс жасау кешені (ҚЖК) Түпқараған ауданында, Форт-Шевченко қаласынан 12 шақырым қашықтықта және Қошанайдағы НКОК Н.В. базасының жанында орналасқан. Объектінің аумағында өндіріс және тұтыну қалдықтарының әртүрлі түрлерін қабылдау, сұрыптау, қайта өңдеу, көму, залалсыздандыру бойынша учаскелер, шаруашылық-тұрмыстық сарқынды суларды қабылдауға және қайта өңдеуге арналған кешенді тазарту құрылыстары, сондай-ақ тазартылған сарқынды суларды жинақтаушы тоған орналасқан. Бұдан басқа, объект шлам жинағышқа қабылдау карталарында бұрғылау шламын және пайдаланылған бұрғылау ерітіндісін қабылдай алады, сондай-ақ қабылданған бұрғылау қалдықтарын термиялық қондырғыда қайта өңдей алады.
- Батыс Қазақстан облысындағы бір нысанда:
«Усихино» қалдықтармен жұмыс жасау кешені (ҚЖК)
Бәйтерек ауданында Усихино Қалдықтармен жұмыс жасау кешені (ҚЖК) орналасқан. Жалпы ауданы 6 га. құрайды. Қабылданатын қалдықтардың спектрін кеңейту мақсатында объектіні жаңғырту жүргізілуде.
Басқа облыстағы нысандарды дамыту компанияның стратегиялық мақсаттарының бірі болып табылады, өйткені қалдықтарды кешенді басқару саласында қызметтер көрсету аталған облыстың қоршаған ортаны сақтауына және жақсартуына көмектесетін болады.