Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.
West Dala компаниясы «ЕсoQoldaý» («Экоқолдау») жүйесіне қатысу туралы шартқа қол қойды. Аталаған жоба – ӨКЖ операторынан Қазақстандағы кәдеге жарату саласын сүйемелдеудің жаңа цифрлық моделі.
«ЕсoQoldaý» жүйесі макулатура, пластик, әйнек және металл сияқты қаптама қалдықтарды инау, қайта өңдеу, тасымалдау және кәдеге жарату бойынша платформа болып табылады. ЕсoQoldaý-дың Орталық азия аймағында аналогы жоқ және ол Қазақстандағы қалдықтарды қайта өңдеу саласындағы ахуалды жақсартуға жәрдемдеседі. Бүгінде қайта өңдеудің орташа көрсеткіші 18,6% жетіп отыр, ал 2030 жылға қарай, «жасыл» экономикаға ауысу тұжырымдамасына сәйкес, қалдықтарды қайта өңдеу үлесі 40% дейін, 2050 жылға қарай – 50% дейін жетуі тиіс.
«ЕсoQoldaý» жобасы аясында барлық қатысушылар бизнес үдерісті цифрландыру бойынша қызметтерге, ұзақ мерзімді келісімшарттарға, қайта өңдеу шикізатын өткізудің дайын нарығына, қайта өңдеу шикізатын сатудың аукциондық жүйесіне, көлік шығындарын ішінара өтеуге, қаптама қалдықтарының әрбір килограмын қаржыландыруға ие болады.
«ЕсoQoldaý» жүйесіне қатысу, West Dala компаниясының «жасыл» экономика қағидаларына бейілділігін көрсетеді.