ЖЕР САҒАТЫ

28 наурыз күні сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

Алғаш рет «Жер сағаты» акциясы 2007 жылы Сиднейде өткізілді. Содан бері ол әлемнің 180-нен астам елінде адамдарды, компаниялар мен үкіметтерді біріктіретін ауқымды жыл сайынғы оқиғаға айналды. Бұл күні бүкіл әлем бойынша мыңдаған нысандар мен ғимараттарда жарық немесе сәндік жарықтандыру бір сағатқа өшірілді.

Аталған акцияға West Dala компаниясының барлық кешендері қосылды. Біздің нысандарымыз бір сағатқа жарықты өшіріп, қоршаған ортаға ұқыпты қараудың маңыздылығын паш етті.

Толығырақ:

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

Қасиетті Құрбан айт мерекесіне орай «West Dala» ЖШС мүмкіндігі шектеулі балаларды қолдау қорының қамқорлығындағы отбасыларға қайырымдылық көмек көрсетті.

West Dala Қазақстанды халықаралық аренада абыроймен таныстырып жүрген жас спортшылар мен спорттық бастамаларды белсенді қолдайды. Осындай маңызды жобалардың бірі — боксшы Бекхан Махамбетұлы Оразбайдың U15 және U17 Азия чемпионатына қатысуына демеушілік көрсету болды.

×