ФОРУМЫ

West Dala компаниясының өкілдері елдегі ең ірі мұнай-химия жобасы – қуаттылығы жылына 1,25 миллион тонна полиэтилен өндіретін зауыт құрылысы аясында қазақстандық қамтуды дамытуға арналған «Жергілікті құндылық, бірлескен өсу» форумына қатысты. Бұл алаң халықаралық компаниялар мен қазақстандық кәсіпорындар арасында тікелей диалог орнатуға мүмкіндік берді. Қатысушыларға жобаның ағымдағы мәртебесі мен полимерлеу қондырғысы мен зауытішілік инфрақұрылым нысандарының құрылысы бойынша жоспарлар таныстырылды.

«ҰИМТ» АЭА жобасының менеджері Тимур Қалиевтің айтуынша: “Бұл іс-шарада ұлттық компанияның мұнай-газ химиясын дамытуға бағыт алғанын көрдік – бұл еліміздің экономикасы мен Атырау облысындағы жұмыс орындары үшін жаңа мүмкіндіктер ашатын стратегиялық сала. Біз EPC-мердігерлердің таныстырылымдарымен таныстық және «Силлено» ЖШС-нің «IMBЦентр» қауымдастығына мүше болу туралы келісімге қол қойылғанын көрдік. Мұндай форумдарға қатысу біздің компанияға пайдалы ақпарат алып, жаңа таныстар табуға, сондай-ақ қалдықтарды кешенді басқару қызметінен бөлек басқа да сервистік қызметтерді ұсыну мүмкіндіктерін айқындауға көмектеседі».

Анықтама үшін: «Силлено» ЖШС – Атырау облысында полиэтилен өндіретін зауыттың құрылыс жобасының операторы. Акционерлері: «ҚазМұнайГаз» ҰК» АҚ (40%), Sinopec Overseas Investment Holding (30%) және «СИБУР Холдинг» ЖАҚ (30%). Алдағы зауыттың полимерлеу қондырғысы мен зауытішілік нысандарының EPC-мердігерлері – Tecnimont консорциумы және Sinopec Shanghai Engineering Corporation.

 

 

 

Толығырақ:

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

West Dala компаниясы Маңғыстау облысындағы үздік қызметкерлерін 20 жылдық мерекесімен құттықтады. Шақырылған ҚЖК «Өзен», ҚЖК «Қошанай», Баутино жобасы және Ақтау кеңсесінің қызметкерлері құрмет медальдарымен, естелік сыйлықтарымен және алғыс хаттарымен марапатталды.

«Тенгизшевройл» ЖШС Мердігерлердің денсулық, қоршаған ортаны қорғау және еңбек қауіпсіздігін басқару жүйесі (CHESM) бойынша Бизнес-серіктер форумын өткізді. Компанияның бизнес-серіктері жарақатсыздық нәтижелеріне қол жеткізу тәжірибесімен бөлісу, сондай-ақ Мердігер ұйымдардың қауіпсіздігі, еңбекті қорғау, денсаулық және қоршаған ортаны қорғау мәселелерін талқылау үшін ТШО-ның бас кеңсесінде жиналды.

West Dala компаниясы өзінің 20 жылдығын атап өтіп, компанияның негізін қалаған және батыс өңірдегі қалдықтарды басқару саласындағы көптеген жобалардың өндірістік процестеріне үлкен үлес қосқан құрметті қызметкерлерін марапаттады. 

×