ӘЛЕУМЕТТІК БАҒДАРЛАМА

Барлық балалар үлкендердің қамқорлығын, сүйіспеншілігін және түсінуін қажет етеді. Балаларды қорғау күні қарсаңында компания басшылығының шешімімен “West Dala” әлеуметтік бағдарламасына қамқорлығында мүмкіндігі шектеулі балалары бар қызметкерлерге материалдық көмек көрсету туралы тармақ қосылғанын қуана хабарлаймыз. Бұл дегеніміз 2023 жылдан бастап осы топтағы балалар денсаулығы мен дамуын қолдау үшін жыл сайын компаниядан белгілі бір соманы алатын болады деген сөз! Арнайы құрылған жұмыс комиссиясы ағымдағы жылдың 1 маусымына дейін ата-анасына көмек көрсетілетін балалардың тізімін бекітіп қойған.

Балалар күні құтты болсын! Әр баланың дені сау болып, ата-анасының қамқорлығында болсын!

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×