МАРАПАТ

West Dala компаниясы өзінің 20 жылдығын атап өтіп, компанияның негізін қалаған және батыс өңірдегі қалдықтарды басқару саласындағы көптеген жобалардың өндірістік процестеріне үлкен үлес қосқан құрметті қызметкерлерін марапаттады. Бұл мерекелік күнде шақырылған қызметкерлер компанияның алғашқы қадамдарынан бүгінгі күнге дейінгі тарихын еске алды. Басшылық үздік мамандарға алғыс білдіріп, ардагерлер мен зейнеткерлерге құрмет медальдарын және естелік сыйлықтарын, ал ерекше көзге түскен қызметкерлерге алғыс хаттар табыстады.

Компанияның дамуы, прогресі, бәсекеге қабілеттілігі, қойылған міндеттердің сапалы әрі уақытылы орындалуы – жұмысшылардың табанды еңбегінің нәтижесі. Бұлар – күннің ыстығына да, қара суығына да қарамай, компанияның өндірістік нысандарында күн-түн демей еңбек ететін нағыз майдангерлер. West Dala – ортақ мақсат пен құндылықтар біріктірген, араларында сенімді қарым-қатынас қалыптасқан біртұтас команда. Әр қызметкер өз рөлін түсінеді, әріптестерін қолдауға және экологиялық мәселелерді бірге шешуге дайын.

 

 

 

 

         

         

         

 

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×