Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.
«Вест Дала» ЖШС “Парыз 2016” бизнестің әлеуметтік жауапкершілігі бойынша республикалық конкурсында «Экологияға қосқан үлесі» үшін номинациясы бойынша қатысты.
Аталған номинацияда қоршаған ортаның жағдайын жақсартуға бағытталған табиғат қорғау (экологиялық) бағдарламаларын жүзеге асыруда ерекшеленген үміткерлердің қызметі қарастырылады. “Парыз ” бизнестің әлеуметтік жауапкершілігі бойынша республикалық конкурсы жеке кәсіпкерлік субъектілерінің өздерінің қоғам алдындағы халықтың тұрмыс жағдайын одан әрі жақсартудағы корпоративтік әлеуметтік жауапкершілігін қалыптастыруға және арттыруға бағытталған. Конкурс жыл сайын аймақтық және республикалық деңгейде мына номинациялар бойынша өткізіліп отырады:
1) «Үздік әлеуметтік жауапкершілікті кәсіпорын»;
2) «Жылдың үздік әлеуметтік жобасы»;
3) «Үздік ұжымдық шарт»;
4) «Экологияға қосқан үлесі үшін».
