ТАБИҒАТТЫ БІРГЕ САҚТАЙМЫЗ!

Маусым айының басында «ТАБИҒАТТЫ БІРГЕ САҚТАЙМЫЗ!» эстафетасын «Прорва» ҚЖК қызметкерлері «Теңіз» ҚЖК әріптестерінен қабылдады. Нысан қызметкерлері сенбілік ұйымдастырып, оған инженерлік-техникалық құрам да, жұмысшылар да белсене қатысты. Олар қоршаған ортаның тазалығын қамтамасыз етуге тырысып, кешен аумағында ғана емес, оның сыртында да тазалық жұмыстарын жүргізе бастады.

Сенбілікке дейін қауіпсіз жұмыс қағидаттарына сәйкес қауіпсіздік ережелері бойынша арнайы брифинг өткізілді. Қатысушыларды қауіпті жәндіктердің болуымен және қатты ыстықпен байланысты болуы мүмкін қауіппен таныстыру маңызды болды. Сенбілік барысында қоқыс пен қалдықтар жиналып, түрлері бойынша бөлініп, өңдеуге және кәдеге жаратуға жіберілді.

Енді эстафетаны “Қошанай” қызметкерлеріне тапсырып, осы нысандағы қоғамдық жұмыс күнінен фоторепортаж күтеміз. Аулаларыңыз бен саябақтарды тазалау арқылы осы бастамаға қосылуға шақырамыз!

Табиғатымызды бірге таза және жасыл етейік!

 

                                

Толығырақ:

West Dala Италия–Қазақстан Сауда Ассоциациясының (ACIK) жаңа мүшесі атанды.

West Dala компаниясы стратегиялық серіктесі — «Теңізшевройл» ЖШС жүргізген CHESM (еңбекті қорғау, қоршаған ортаны қорғау және мердігер ұйымдардың қауіпсіздігін басқару жүйесі) бойынша соңғы бағалау қорытындысы нәтижесінде өзінің жоғары деңгейін сәтті растады және ең жоғары баға — Grade A (96%) алды.

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

×