ҮЗДІК БАСТАМА

West Dala компаниясы 800 күн жарақатсыз жұмыс істеп, NCOC тарапынан «Үздік бастама» номинациясында жеңімпаз атанды

2025 жылдың сәуір айында West Dala компаниясы маңызды межеге жетті — өндірістік жарақаттардан жұмыс уақытының жоғалуынсыз 800 күн өтті. Бұл айтулы жетістік Дүниежүзілік еңбек қорғау күнімен және компанияның 20 жылдық мерейтойымен тұспа-тұс келді.Қауіпсіз еңбек мәдениетін одан әрі нығайту, қызметкерлер мен мердігер ұйымдардың жауапкершілігін, тәртібін және ынталануын арттыру мақсатында Өнеркәсіптік қауіпсіздік және еңбек қорғау департаментінің бастамасымен, компания басшылығының қолдауымен «Еңбек қорғау айлығы – 2025» бағдарламасы іске асырылды.

Бағдарлама нәтижелері компанияның стратегиялық серіктесі – NCOC тарапынан жоғары бағаланды. NCOC қауіпсіздік айлығы аясында серіктес компаниялар арасында өткізілген байқау қорытындысы бойынша West Dala компаниясы «Еңбек қауіпсіздігі мәдениетін ілгерілетудегі үздік бастама» номинациясында жеңімпаз деп танылды.

Компания қауіпсіздік мәдениетін дамытуға қосқан зор үлесі және «Нөлдік көрсеткіш» қағидаттарына жоғары адалдығы үшін Арнаулы сертификатпен және естелік сыйлықпен марапатталды.Бұл марапат компанияның 20 жылдығына орай ерекше әрі құнды сыйлыққа айналып, «West Dala» ЖШС-нің өнеркәсіптік қауіпсіздік пен еңбек қорғау мәселелеріне қатысты жүйелі көзқарасының тиімділігін тағы бір мәрте дәлелдеді.

       

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×