ЕҢБЕК ҚОРҒАУ КҮНІ!

Бүгін – Дүниежүзілік Еңбек қорғау күні! Осы оқиғаның қарсаңында West Dala 20 жылдығына арналған Еңбекті қорғау-2025 «Оқыту өмірлік маңызды» бағдарламасын іске қосты.

24 сәуір күні жалпы жиналыста West Dala ЖШС Бас директоры Қайрат Шәменұлы Салахаденов жұмыс уақытын жоғалтуға әкелген жарақаттарсыз 800 күнді артқа тастаған жетістікпен ұжымды құттықтады. Ол қауіпсіздік мәдениетіне деген адалдығы үшін ұжымға алғысын білдіріп, “Оқыту өмірлік маңызды” атты айлық корпоративтік бағдарламаның басталғанын жариялады.

Өз кезегінде, компанияның Өнеркәсіптік қауіпсіздік және еңбекті қорғау департаментінің басшысы Багдат Дүйсебаев 2024 жылы ҚжЕҚ басқару жүйесінің нәтижелерімен және ағымдағы жылға арналған жоспарлармен әріптестерін таныстырды. Сондай-ақ, корпоративтік бағдарлама аясында ол сәуірде басталып, мамыр айы бойы жалғасатын 11 іс-шараны таныстырды: қызметкерлер арасында әртүрлі конкурстар, бейнеүндеулер, оқыту және тимбилдинг ұйымдастырылады. Барлық іс-шаралар қауіпсіздік мәдениетін арттыруға және еңбек қорғауға компанияның ең басты құндылығы ретінде тұрақты көзқарас қалыптастыруға бағытталған.

Баршаңызды Дүниежүзілік Еңбекті қорғау күнімен құттықтаймыз! Әрбір жұмыс күніңіз қауіпсіз болсын!

         

        

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×