West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.
Көміртек нарықтары — ел деңгейінде де, компания деңгейінде де климаттық мақсаттарға қол жеткізудің негізгі құралдарының бірі. Олар парниктік газдар шығарындыларын қысқартуға күшті экономикалық ынталандыру қалыптастырып, инновациялық «жасыл» технологияларды енгізуге жол ашады.
West Dala компаниясы квоталауға жатпайды, себебі шығарындылар көлемі көмірқышқыл газының 20 мың тоннасынан аспайды. 2024 жылғы есептік кезеңде парниктік газдар шығарындылары 4 341,10432 тонна CO₂-экв. құрады, ал қамту салалары бойынша есептеулер келесідей болды:
• Scope 1 – 10 839,94 тонна CO₂-экв.
• Scope 2 – 2 277,04 тонна CO₂-экв.
• Scope 3 – 26 328,47 тонна CO₂-экв.
West Dala компаниясының өндірістік нысандары Қазақстан Республикасының экологиялық заңнамасына қатаң сәйкес жұмыс істейді және белгіленген шығарындылар нормативтерінен аспайды. Әрбір эмиссия көзі тәуелсіз аккредиттелген зертхана тарапынан тоқсан сайын мониторингтен өтеді. Мониторинг нәтижелері компания қызметі жүргізілетін өңірлерде қоршаған ортаның ластануына жол берілмейтінін растайды.
Толығырақ:
Қазақстан Республикасы күні қарсаңында West Dala қызметкерлері Атырау облысының Экология департаменті ұйымдастырған Атырау қаласының Самал шағынауданындағы сенбілікке қатысты.
Жылыой ауданының Құлсары қаласында қаланың санитарлық жағдайын жақсартуға, қоршаған ортаны тазартуға және экологиялық мәдениетті дамытуға бағытталған Green Jylyoi Expo 2026 экологиялық акциясы өтті.
Қарттар күніне орай West Dala компаниясы игі дәстүрді кезекті рет жалғастырып, қарт адамдарға қайырымдылық көмек көрсетті. Оларға азық-түлік себеттері табысталды.