СЕНБІЛІК

«Таза Қазақстан» республикалық экологиялық акциясы аясындағы тарихи орындар мен табиғи ескерткіштерге арналған «Киелі мекен» («Қасиетті жер») жоспарына сәйкес West Dala компаниясының қызметкерлері биылғы жылдың сәуір айында Кендірлі аумағында сенбілік өткізді. Қажет құралдарды алып, «Өзен» ҚЖК-дегі және Маңғыстаудағы әріптестеріміз теңіз жағалауының үлкен аумағын тазартты. Компаниядан жүк тиегіш пен самосвал көлік беріліп, ол жарты күн ішінде көбіне целлофан пакеттері мен бос пластик бөтелкелерден тұратын қатты тұрмыстық қалдықтарға толып қалды. Акция ұйымдастырушыларымен келісім бойынша барлық қалдық қалалық қоқыс үйіндісінің аумағына шығарылды.

Мұндай сенбіліктер жыл сайын түрлі табиғи аумақтарда өткізіледі және біздің әріптестеріміз қашан да алдыңғы қатарда қалмай қатысып отырады. Біз туған жерімізді жақсартуға ат салысудамыз, сондықтан да - «Тазаланған емес, ласталмаған жер – таза» екендігін еске салғымыз келеді. Серуенге шыққанда өз қалдығыңызды қалдырмауды ұмытпаңыз. Жерімізді болашақ ұрпақ үшін сақтайық!

                                

Толығырақ:

West Dala жаңа оқу жылының басталуымен құттықтайды! 1 қыркүйек — әрбір оқушы үшін жаңа үміттер, арман-мұраттар мен маңызды бастау. West Dala компаниясы дәстүрлі түрде «Мектепке жол» республикалық акциясына қатысып, балаларға қолдау көрсетіп, олардың жаңа оқу жылына сенімді қадам басуына жәрдемдесуде.  

Шілде айында ББЖ қайта сертификаттау аудитінің қорытындылары бойынша ұсыныстарды орындау аясында «Тәуекелдерді басқару» тақырыбында оқыту өтті.

West Dala қалдықтарды басқару және жаңартылатын энергия көздері бойынша ең ірі Еуразиялық форум — GREEN ENERGY & WASTE RECYCLING FORUM (GEWR) серіктесі болды. Компаниямыз 20 жылдығын атап өтіп жатқан биылғы жылы да осы саланың мүддесін қорғаушы KazWaste қауымдастығының барлық бастамаларын қолдауды жалғастыруда.