ЖҚЕ БОЙЫНША ТРЕНИНГ

West Dala компаниясының 20 жылдығына арналған іс-шаралар жалғасуда! Еңбек қауіпсіздігі және еңбекті қорғау күні қарсаңында ӨҚжЕҚ департаментінің қызметкерлері Әл-Фараби атындағы BINOM мектеп-лицейінің жоғары сынып оқушыларына жол жүру ережелері тақырыбында семинар-тренинг өткізді. Іс-шараға жол-патрульдік полиция инспекторлары да қатысып, жаяу жүргіншілер мен жүргізушілер жиі жіберетін қателіктер, жарық қайтарғыш элементтердің маңыздылығы, жол қиылыстарында жолды кесіп өту кезінде абай болу қажеттілігі туралы айтты. Сабақ барысында нақты жол-көлік оқиғалары мысал ретінде талқыланды. Тренинг интерактивті форматта өтті: оқушылар белсенді сұрақтар қойып, өздерінің қала көшелеріндегі бақылауларымен бөлісті. Ең белсенді қатысушылар West Dala компаниясынан Мақтау қағаздары мен сыйлықтарға ие болды.

BINOM оқушылары алған білімдерін жолда мұқият әрі жауапкершілікпен жүруге пайдаланады деп сенеміз.

 

                          

Толығырақ:

Компанияның 20 жылдық мерейтойын атап өту аясында өткізілген West Dala-ның Еңбек қауіпсіздігі айлығы – 2025 өз мәресіне 31 мамыр күні жетті. Қорытынды шара ретінде өнеркәсіптік қауіпсіздік және еңбекті қорғау департаменті ұйымдастырған табиғат аясындағы корпоративтік тимбилдинг өткізілді. Іс-шара Wooden House демалыс базасында өтті.

West Dala компаниясының ҚБК нысанына жұмыс сапарымен «Аккредиттеудің тәуелсіз Қазақстандық орталығы» КМ сараптамалық комиссиясының делегациясы келді. Сапардың мақсаты — Х. Досмұхамедов атындағы Атырау университетінің «Қалдықтарды басқару» білім беру бағдарламасы бойынша студенттердің өндірістік тәжірибе базасын бағалау.

Дүниежүзілік қоршаған орта күніне және “Таза Қазақстан” ұлттық экологиялық қозғалысын қолдауға орай, біздің компания сенбілік ұйымдастырып, қалалық ортаны жақсартуға және Атырау жағалауын тұрғындар үшін таза әрі жайлы етуге өз үлесін қосты.

×