АШЫҚ ЭКОЛОГИЯ САБАҒЫ

Біздің әріптестеріміз Айнагүл Сагиева мен Асыл Теміртасова Атырау қаласындағы Д. Қонаев атындағы BINOM SCHOOL мектеп-лицейінің 4 «Л» сыныбына қонаққа барып, ашық экология сабағын өткізді. Олардың алдында 45 минут ішінде оқушыларды қалдықтардың маңызы мен табиғи ресурстарды ұқыпты пайдалану тақырыбына қызықтыру міндеті тұрды. Біздің әріптестеріміз бұл тапсырманы «өте жақсы» орындап шықты!  

Оқушылар ойын форматында пластик пен пайдаланылған автокөлік шиналар қалай қайта өңделетінін, қандай қалдықтардың қауіпті екенін, Экологиялық кодекстің не үшін қажет екенін және басқа да қызықты мәліметтерді білді.

«Біз үшін ең жағымды жаңалық – балалардың қалдықтарды сұрыптаудың маңыздылығын жақсы білетіндігі болды. Бұл олардың ата-аналары экологиялық тәрбиеге ерекше мән беретінін көрсетеді», — деп атап өтті әріптестеріміз. Белсенділігі мен қызығушылығы үшін жас экологтар «Жас табиғат қорғаушысы» медалімен және West Dala компаниясының тәтті сыйлықтарымен марапатталды.

BINOM SCHOOL мектеп-лицейінің әкімшілігіне және ұстаз Әділова Гүлбану Ғылымғалиеваға ынтымақтастығы үшін алғысымызды білдіреміз.

Біз мұндай сабақтар балаларда қоршаған ортаға деген жауапкершілікті ерте жастан қалыптастырады деп сенеміз. West Dala компаниясы жас ұрпақты экологиялық ағартуға бағытталған бастамаларды жүзеге асыруды жалғастырады.

Толығырақ:

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

West Dala компаниясы Маңғыстау облысындағы үздік қызметкерлерін 20 жылдық мерекесімен құттықтады. Шақырылған ҚЖК «Өзен», ҚЖК «Қошанай», Баутино жобасы және Ақтау кеңсесінің қызметкерлері құрмет медальдарымен, естелік сыйлықтарымен және алғыс хаттарымен марапатталды.

«Тенгизшевройл» ЖШС Мердігерлердің денсулық, қоршаған ортаны қорғау және еңбек қауіпсіздігін басқару жүйесі (CHESM) бойынша Бизнес-серіктер форумын өткізді. Компанияның бизнес-серіктері жарақатсыздық нәтижелеріне қол жеткізу тәжірибесімен бөлісу, сондай-ақ Мердігер ұйымдардың қауіпсіздігі, еңбекті қорғау, денсаулық және қоршаған ортаны қорғау мәселелерін талқылау үшін ТШО-ның бас кеңсесінде жиналды.

West Dala компаниясы өзінің 20 жылдығын атап өтіп, компанияның негізін қалаған және батыс өңірдегі қалдықтарды басқару саласындағы көптеген жобалардың өндірістік процестеріне үлкен үлес қосқан құрметті қызметкерлерін марапаттады. 

×