ҚАЙЫРЫМДЫЛЫҚ

West Dala компаниясы көптеген ұйымдармен бірлесіп қайырымдылық көмек көрсетеді. Солардың бірі – «Атырау облыстық мүгедектер қоғамы» Қоғамдық Бірлестіктің Атырау қалалық филиалы. Олардың тізімі бойынша бүгін әріптестеріміз алты отбасыға барып, атаулы көмек көрсетті. Компания атынан “Игілік себеті” атты акция ұйымдастырылды.

“Біз бір үлкен азық-түлік себетін жинадық. Оның ішінде нан және сүт өнімдері, тәттілер, ұн, жеміс-жидек, көкөністер мен тауық еті бар. Мұндай себет – атыраулықтардың игілігіне қосқан үлесіміз”, – дейді акцияның үйлестірушісі Айгүл Даниялова.

Біз игі істер адамдарды біріктіріп, әлемді сәл де болса жақсырақ етеді деп сенеміз!

 

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

×