Күздің басында компания қызметкерлері Атырау қаласының Экология департаменті ұйымдастырған сенбіліктерге қатысты. Акциялар аясында Көктем және Жұмыскер шағынаудандарындағы Жайық өзенінің жағалау аумақтарын тазалау және абаттандыру жұмыстары жүргізілді.
“West Dala” ЖШС қалдықтарды басқару бойынша NCPOC B.V. компаниясының 2013 жылдың шілдесінен бастап мердігері болып келеді. 2014 жылдың қазанында NCPOC B.V. компаниясы жүргізген ДЕҚОҚ менеджменті аудит жүйесінің нәтижесі бойынша “West Dala” ЖШС “Green Banding” статусын растады.
“Banding” – бұл Shell компаниясы мен оның бөлімшелерінің терминологиясы (NCPOC B.V. компаниясы Shell компаниясының стандарттары мен талаптарын пайдаланады). Компания мердігердің ДЕҚОҚ жүйесіне бағалау жүргізеді және оны үш категория бойынша, яғни қызыл (red), янтарлы (amber) және (green) жасыл деп жіктейді.
Жасыл категория (Green Band) мердігердің ДЕҚОҚ жүйесі Компанияның талаптарына толықтай сәйкес келеді дегенді білдіреді.
Сонымен бірге, 2014 жылы «Теңізшевройл» ЖШС жүргізген CHESM аудитінің (Contractor HSE Management Qualification – мердігер ұйымның ЕҚ, ТҚ және ҚОҚ басқару жүйесін бағалау) нәтижелері бойынша, біздің компания ең жоғарғы А рейтингісіне (Grade A) ие болды.
Аталған жетістіктер ұйымның ДЕҚОҚ жүйесін барлық бағытта тұрақты жақсартуға бағытталған өзінің мақсатты жұмыстарының нәтижелері болып табылады.