ДҮНИЕЖҮЗІЛІК ТАЗАЛЫҚ КҮНІ

20 қыркүйекте бүкіл әлемде, соның ішінде Қазақстанда да «Дүниежүзілік тазалық күні / World Clean Up Day» халықаралық экологиялық акциясы өтті.

Экология және тұрақты даму саласында жұмыс істейтін компания ретінде біз де бұл шарадан тыс қалмай, белсенді қолдау көрсеттік. Осы күні біздің ҚБК, ҚӨжОКП, «Теңіз» ҚЖК және «Прорва» ҚЖК кешендерінің қызметкерлері ауқымды тазалық жұмыстарын жүргізіп, қоршаған ортаға ұқыпты қараудың маңыздылығын өз үлгісімен көрсетті.

Сонымен қатар, біздің командамыз Құлсары қаласында «Теңізшевройл» компаниясы ұйымдастырған «Таза Қазақстан» акциясына қатысты. Серіктестерімізбен және әріптестерімізбен бірге біз қаланың қоғамдық орындарының тазалығына және абаттандырылуына үлес қостық.

Біз мұндай бастамалар экологиялық мәдениетті қалыптастыруға, жауапкершілікті тәрбиелеуге және таза әрі қауіпсіз болашаққа жағдай жасауға ықпал ететініне сенімдіміз.

 

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

×