ЭКО ӘРІПТЕСТІК ФОРУМЫ

West Dala компаниясы Karachaganak Petroleum Operating B.V. ұйымдастырған «ЭКО Серіктестік» кезекті экологиялық форумына қатысты. Аталған іс-шара Бизнес-серіктестер басшылығының экологиялық сауаттылығы мен белсенділігін арттыруға, кәсіпорындағы экологиялық бақылауды күшейтуге және экологиялық көрсеткіштерді жақсартуға бағытталған.

Іс-шара қорытындысы бойынша West Dala экологиялық жауапкершілікті дамытуға қосқан үлесі үшін марапат грамотасына ие болды. Әсіресе, 2023–2025 жылдар аралығында өткізілген барлық аудиттердің «өте жақсы» бағамен, бірде-бір ескерту мен ұсынымсыз өткені қуантады. Марапаттау рәсімін КПО Б.В.-ның техника қауіпсіздігі, қоршаған ортаны қорғау және өндірістік тұтастық жөніндегі директоры Норберт Жалле өткізді.

Батыс Қазақстан облысындағы әріптестерімізді осы лайықты нәтижемен құттықтаймыз!

 

Толығырақ:

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

Қасиетті Құрбан айт мерекесіне орай «West Dala» ЖШС мүмкіндігі шектеулі балаларды қолдау қорының қамқорлығындағы отбасыларға қайырымдылық көмек көрсетті.

West Dala Қазақстанды халықаралық аренада абыроймен таныстырып жүрген жас спортшылар мен спорттық бастамаларды белсенді қолдайды. Осындай маңызды жобалардың бірі — боксшы Бекхан Махамбетұлы Оразбайдың U15 және U17 Азия чемпионатына қатысуына демеушілік көрсету болды.

×