GEWR'22

4-5 шілдеде Нұр-Сұлтан қаласында West Dala серіктесі болып табылатын «Green Energy & Waste Recycling Forum – 2022» VI Еуразиялық бизнес-форумы өтті. Форумның негізгі мақсаты — ұлттық және өңірлік деңгейде қалдықты қайта өңдеу және «жасыл» энергетика салаларын дамыту үшін шешім іздеу. Шара Қазақстан, Өзбекстан, Қырғызстан, Ұлыбритания, Латвия, Германия және АҚШ-тан 200-ден астам маманның назарын аударды.

Форумды ҚР Экология, геология және табиғи ресурстар вице-министрі Зульфия Сүлейменова және ЕО-ның Қазақстандағы ынтымақтастық департаментінің басшысы Йоханнес Стенбек Мадсен ашты. «Қазір жасыл экономикаға көшу тұжырымдамасын қайта қарау бойынша жұмыстар жүргізілуде. 2021 жылы қазанда 2021-2025 жылдарға арналған «Жасыл Қазақстан» ұлттық жобасы бекітілді, оның мақсаты халықтың өмір сүруіне қолайлы орта жасау және экологиялық жағдайды, оның ішінде қалдықтармен тиімді жұмыс істеуді жақсарту болып табылады. Қалдықтарды басқару жөніндегі міндет шеңберінде қалдықтар бойынша ағымдағы жағдайды жақсарту бойынша бірқатар іс-шаралар көзделеді. Мысалы, фракциялар мен қалдықтардың жекелеген қауіпті түрлері бойынша қалдықтарды бөлек жинаумен қамтуды арттыру», - деді вице-министр.

Форумда Орталық Азия елдерінің "жасыл" энергияны дамытудағы серіктестіктің , сондай-ақ қалдықтарды басқару нарығының өзекті мәселелері, соның ішінде ЕҚТ енгізу, қалдықтарды жинау және өңдеу секторындағы инновациялық технологиялық шешімдер, қалдықты басқару саласындағы МЖӘ жобаларын әзірлеу және іске асыру мәселелері талқыланды.