Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.
Орталық Азиядағы қалдықтарды басқару және қайта өңдеу бойынша ең ірі форум «Green energy & waste recycling» (GEWR) өндіріс және тұтыну қалдықтарын кәдеге жарату мен қайта өңдеудің идеялары, табысты тәжірибелері және ең үздік технологиялары талқыланды. Форумның басты мақсаты — «жасыл» экономика тұжырымдамасын жүзеге асыру мақсатында тәжірибе алмасу және болашақтағы ынтымақтастық үшін алаң құру. Форумның маңызды сәттерінің бірі 2024-2029 жылдарға арналған экологиялық мәдениетті дамыту тұжырымдамасының тұсаукесері болды, оның мақсаты халықты қалдықтарды дұрыс басқару туралы хабардар ету деңгейін арттыру.
«Қазіргі әлемде климаттың өзгеру мәселесін шешу бірінші кезектегі маңызға ие болып отыр. 2023 жылдың басында біз БҰҰ Жаһандық келісімінің қатысушысы болдық, сонымен қатар ESG бойынша өте жоғары рейтингке ие болдық, бұл форумда атап өтілді», — деді форум делегаты, «West Dala» ЖШС қоршаған ортаны қорғау менеджері Светлана Сатанова.
GEWR форумына мемлекеттік органдар, табиғи ресурстарды пайдаланушы компаниялар, салалық және мамандандырылған қауымдастықтар, агенттіктер, сарапшылар, БАҚ өкілдері қатысты. Форумға қатысушылардың пікірінше, талқылаулар барысында көтерілген өзекті мәселелер ұзақ мерзімді шешімдер қабылдау кезінде ескерілетін болады.
.jpg)
.jpg)
.jpg)
.jpg)
.jpg)
.jpg)