KIOGE-2022

Қыркүйек айының соңында Алматыда 28-ші халықаралық KIOGE-2022 көрмесі мен конференциясы өтті. Дәстүр бойынша іс-шараға мыңдаған келушілер мен жүздеген қатысушы компаниялар жиналды. West Dala өкілдері KIOGE-2022 негізгі алаңдарын аралап, жаңа қатысушылармен танысып, компанияның қызметтерін таныстырды.

Қазақстанның мұнай-газ өнеркәсібін дамытудың жаңа сценарийлері қарастырылған конференцияның маңызды тақырыптарының бірі ESG қағидаттарын енгізуді талқылау болды. Айта кетейік, осы тақырыпқа Oil&Gas Kazakhstan журналының қыркүйек айындағы санында West Dala Корпоративтік даму жөніндегі директоры Диас Хабиевтің пікірімен мақала берілген. Танымал салалық журналдың беттерінде ол ESG енгізу процесін қалай жеделдету керектігі туралы идеяларымен бөлісті. Журналдың бұл нөмірі көрме мен конференцияның барлық қатысушыларына таратылды.

KIOGE-2022 аясында West Dala өкілдері қатысқан «Қазақстанның мұнай сервистік компаниялары одағы» ЗТБ мүшелерінің жыл сайынғы жиналысын атап өткен жөн. Жиналыста 2022 жылғы жұмыс қорытындысы шығарылып, 2023 жылы мұнай сервистік компаниялардың алдында тұрған өзекті мәселелер талқыланды.

 

                                          

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×