КӨЛІК ҚЫЗМЕТКЕРЛЕРІ КҮНІ

Биыл Көлік қызметкерлері күні 26 қазанға сәйкес келді. Біз West Dala компаниясының көлік бөлімі қызметкерлерін кәсіби мерекелерімен құттықтаймыз! Бұл мереке көлік жұмысының үздіксіз әрі қауіпсіз болуын қамтамасыз ететін барлық мамандарды біріктіреді — бұл біздің компанияның тұрақтылығы мен тиімділігінің негізі.

Біздің жүргізушілер, механиктер, инженерлер, логистика мамандары және көлік бөлімдерінің басшылары күн сайын маңызды міндет атқарады — қалдықтарды сауатты әрі қауіпсіз тасымалдауды қамтамасыз ету. Бұл – қалдықтарды басқару жүйесінің ажырамас бөлігі.  

Команданың үйлесімді жұмысы мен басшылықтың қолдауының арқасында West Dala компаниясы өндірістік нысандарда жобаларды сәтті жүзеге асырып келеді. Компанияның ерекше мақтанышы — әр кезеңде сенімділік пен бақылауды қамтамасыз ететін жеке көлік паркі.

Жолдарыңыз қауіпсіз, техникаңыз мықты, еңбегіңіз жемісті болсын! Ортақ іске қосқан үлестеріңіз үшін алғыс білдіреміз!

 

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×