«КӨМІРСУТЕГІ САЛАСЫНДАҒЫ ИННОВАЦИЯ» XI КӨРМЕСІ

Атырауда қыркүйектің 29 – 30 аралығында «Көмірсутегі саласындағы инновация» XI көрмесі болып өтті. Аталған шара Қазақстан–Ресей XI өңіраралық ынтымақтастық форумына орайластырылды. Аталған шараның ұйымдастырушылары: Қазақстан Республикасының энергетика Министрлігі, Атырау облысы әкімінің Аппараты, ҚазМұнайГаз ҰК АҚ.

Шараның негізгі бағыттары мен тақырыптары: шикізат өндірудегі инновациялар, тасымалдау мен өңдеу, жабдықтар мен техникалық құралдар және экологиялық қауіпсіздік. Бұл көрмеде Қазақстан мен Ресейдің 60-тан астам компаниялары өздерінің мұнайгаз саласындағы мүмкіндіктерін көрсетті. Көрмеге негізгі министерліктер мен ведомстволардың жетекшілері, бірқатар облыстардың басшылары, ірі бизнес өкілдері, ғылым қайраткерлері, екі елдің мұнайгаз саласындағы инновация бойынша сарапшылары қатысты.

Форумның жұмысы кезінде мемлекет басшылары Ресей Федерациясы мен Қазақстан Республикасы Президенттері – Владимир Путин және Нұрсултан Назарбаевтың қатысуымен Көрме бойынша ВИП ТУР болып өтті.

«West Dala» ЖШС «экологиялық қауіпсіздік» бағытында аталған көрмеге қатысуға шақырту алған болатын. Көрмеде компания «Мұнай қалдықтарын кешенді басқару» жобасын ұсынды. Компанияның стендісіне келушілер мұнай қалдықтарымен жұмыс процесін, мұнаймен ластанған топырақты өңдеу нәтижелерімен танысуға, мамандарға сұрақтар қоюға және жаңа байланыстар орнатуға мүмкіндіктері болды.

Екі күндік жұмыс қорытындысы бойынша компания көрмеде Қазақстан Республикасының энергетика Министрлігінің Дипломымен марапатталып және Ресей Федерациясы энергетика Министрлігінің «Өндірістік қалдықтарды кешенді басқару» жобасы үшін Дипломымен марапатталды.

Толығырақ:

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

West Dala компаниясы Маңғыстау облысындағы үздік қызметкерлерін 20 жылдық мерекесімен құттықтады. Шақырылған ҚЖК «Өзен», ҚЖК «Қошанай», Баутино жобасы және Ақтау кеңсесінің қызметкерлері құрмет медальдарымен, естелік сыйлықтарымен және алғыс хаттарымен марапатталды.

«Тенгизшевройл» ЖШС Мердігерлердің денсулық, қоршаған ортаны қорғау және еңбек қауіпсіздігін басқару жүйесі (CHESM) бойынша Бизнес-серіктер форумын өткізді. Компанияның бизнес-серіктері жарақатсыздық нәтижелеріне қол жеткізу тәжірибесімен бөлісу, сондай-ақ Мердігер ұйымдардың қауіпсіздігі, еңбекті қорғау, денсаулық және қоршаған ортаны қорғау мәселелерін талқылау үшін ТШО-ның бас кеңсесінде жиналды.

West Dala компаниясы өзінің 20 жылдығын атап өтіп, компанияның негізін қалаған және батыс өңірдегі қалдықтарды басқару саласындағы көптеген жобалардың өндірістік процестеріне үлкен үлес қосқан құрметті қызметкерлерін марапаттады. 

×