Күздің басында компания қызметкерлері Атырау қаласының Экология департаменті ұйымдастырған сенбіліктерге қатысты. Акциялар аясында Көктем және Жұмыскер шағынаудандарындағы Жайық өзенінің жағалау аумақтарын тазалау және абаттандыру жұмыстары жүргізілді.
West Dala корпоративтік этика кодексін қабылдады. Кодексті әзірлеушілер атап өткендей, онда стратегиялық маңызды шешімдер қабылдау кезінде де, күнделікті жағдайларда да компанияның барлық қызметкерлері өз қызметінде басшылыққа алатын негізгі құндылықтар, қағидаттар мен ережелер бекітілген.
Кодексте Компанияның корпоративтік құндылықтары жазылған:
- Құзыреттілік және кәсібилік
- Адалдық пен әділдік
- Жауапкершілік
- Ашықтық
- Адамның жеке басын құрметтеу
- Патриотизм
- Шығармашылық
- Командалық рух
Кодекске сәйкес, компания қызметкерлерге әділ және адал қарым-қатынасты қамтамасыз етеді. Сондай-ақ, компания еңбек қауіпсіздігі мен еңбекті қорғауға кепілдік берудің барлық шараларын қамтамасыз етуге, сондай-ақ іске асырылуы компания үшін оң әсер ететін қызметкерлердің бастамашыл идеялары мен ұсыныстарын бағалауға, көтермелеуге міндеттенеді.