МЕКТЕПКЕ ЖОЛ!

Қазақстанда «Мектепке жол-2024» республикалық акциясы басталды. West Dala компаниясы бұл игі және маңызды қайырымдылық жобасынан шет қалмады.

Атырау облысының табиғи ресурстар және табиғат пайдалануды реттеу департаментінің хаты негізінде акция аясында аз қамтылған отбасылардың екі баласына жаңа оқу жылына дайындалу үшін 75 мың теңгеден берілді. Қаржылай көмек West Dala компаниясының қызметкері Әлия Мұфтағалиева арқылы облыс әкімдігінің өкілі қатысуымен табысталды.

Сонымен қатар, компания Атырау облысының білім басқармасының жанындағы Облыстық отбасы үлгісіндегі балалар ауылының және жасөспірімдер үйінің екі тәрбиеленушісіне көмек көрсетеді. Қазіргі уақытта балалар демалыста.

Жаңа оқу жылы қарсаңында барлық балаларға сәтті оқудың басталуына және жаңа қызықты ашылымдар жасау үшін күш-қуат пен денсаулық тілейміз!

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

Бұл айдың жылылығы әлеуметтік байланыстарды нығайтуға және қыстан кейін жаңа бастамаларға күш-қуат беруге көмектесті.

×