West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты.
Биылғы жылы «West Dala» ЖШС-де «Наурыз мейрамын» тойлау ерекше және есте қаларлықтай болды. Мерекелік шаралар 21 және 22 наурыз күндері болып өтті. Мерекенің бірінші күнін компания ұжым мүшелерімен тойлап өтсе, ал екінші күнін NCOC N.V. компаниясының шақыруы бойынша NCOC N.V. қызметкерлеріне және оның барлық мердігер ұйымдары үшін ұйымдастырылған «Наурыз мейрамын» тойлау шарасына қатысты.
21 наурыздағы «Наурыз мейрамын» тойлау кезінде біздің компанияның қызметкерлері өздерінің барлық өнерлерін, күштерін, сонымен бірге ұжымның ынтымақтастығы мен бірлігін көрсете білді. Мерекені тойлау компанияның кеңсесіне іргелес жатқан аумақта өтті, ол жерге қарапайым киіз орнатылды. Киіз үйдің ішіне компания қызметкерлерінің өз қолдарымен дайындалған мерекелік дастархан жайылып, барлық ұжым мүшелері ұлттық нақышқа толы киімдер киіп жүрді. Мерекені тойлау кезінде ұжым мүшелері қазақ халқының «Беташар», «Бесік той» сияқты кейбір дәстүрлерін өз беттерінше көрсетуге тырысты. Сонымен бірге компанияның ер және әйел қызметкерлері арасында армреслинг бойынша және ерлер арасында кір тасын көтеру бойынша спорттық жарыстар болып өтті.
NCOC N.V компаниясының «ИСКЕР» компаниялар тобы», Alma East West, YKK және басқа да компаниялар сияқты мердігер ұйымдарымен бірге 22 наурызда біздің компания үшін «Самал» қалашығында арнайы алаңқай бөлінді. Біздің компанияның қызметкерлері қонақтарды мерекелік көңіл-күймен, қазақы әнмен, бимен, мерекеге жайылған дастарханмен, ұлттық сусын «Наурыз көжемен», бауырсақпен қарсы алды. NCOC N.V басшылығы мерекелік шараның қатысушылары мен ұйымдастырушыларын және барлық Қазақстан халқын Наурыз мерекесімен құттықтады. Мерекелік сахнада және оған іргелес жатқан аумақта концерт ұйымдастырылып, ұлттық д»стүрлер мен салттар көрсетілді. NCOC N.V басшылығы Наурыз мерекесін тойлауға белсенді қатысқан мердігер компаниялар үшін естелік сыйлықтар тапсырды.
