West Dala компаниясының кеңсесінде және нысандарында жұмыс күні бауырсақ, наурыз көже және басқа да дәстүрлі тағамдармен жайылған мерекелік дастарханмен басталды. Әркім Наурыз рухын сезініп, жылулық пен бірліктің атмосферасын тамашалай алды.
Наурыз – біздің сүйікті мерекеміз, өйткені көктемнің алғашқы жылуымен бірге жаңару мен үміт те келеді. Бұл – дәстүрлер, мейірімділік және қонақжайлылық ерекше маңызға ие болатын уақыт. Баршаңызға Наурыз мол қуаныш, үйлесім және жаңа жылда сәттілік әкелсін!
.jpg)
.jpg)
.jpg)
.jpg)
.jpg)
Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.
West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.
Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.