ӨНДІРІС ҚАТЫНАСТАРЫ

West Dala компаниясында барлық нысандар мен жобаларында қызметкерлермен тұрақты кездесу тәжірибесі енгізілген. Мұндай кездесулерде өндірістік қатынастарға қатысты, яғни еңбек жағдайлары, тұрмыс жағдайлары, қарым-қатынастар, еңбекті қорғау, еңбек заңнамасы сияқты мәселелер ашық талқыланады. Ағымдағы жылдың қаңтар айында ҚӨжОКП, “Батыс Ескенеде”, “Қошанай” ҚЖК, “Теңіз” ҚЖК, “Прорва” ҚЖК-да Кадрлар және өндірістік қатынастар бөлімі, Денсаулық сақтау қызметі және өнеркәсіптік қауіпсіздік және еңбекті қорғау департаменті өкілдерінің қатысуымен кезекті кездесулер өтті. Кездесулерде қызметкерлермен және жұмыс комитетімен ең өзекті мәселелер мен тақырыптар көтерілді. Айта кететін жайт, өндірістік қатынасқа жауапты адамдар әрқашан жұмысшылармен кері байланыс жүргізеді.

Мұндай қарым-қатынас қызметкерлермен жұмсақ қарым-қатынас жасауға, олардың жұмыс процестеріне қатысуын арттыруға, кәсіби қасиеттерін дамытуға және кез-келген еңбек даулары мен жанжалдардың алдын алуға мүмкіндік беретін құралдардың бірі болып табылады.

 

                            

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×