Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
Қараша айында Мақат кентінде-Атырау облысы Мақат ауданының әкімшілік орталығы Атырау-Доссор тас жолының 38 шақырымында орналасқан "West Dala" ЖШС "Қалдықтарды өңдеу мен орналастыруға арналған кешенді полигоны" (ҚӨжОКП) объектісінің жобалық құжаттамасы бойынша қоғамдық тыңдау өтті.
Қоғамдық тыңдаулар жұртшылықты және барлық мүдделі тараптарды полигонның өндірістік қызметі және қоршаған ортаға және халықтың денсаулығына әсер ету факторлары туралы хабардар ету мақсатында Экологиялық кодекстің және қоғамдық тыңдаулар өткізу қағидаларының талаптарына сәйкес Мақат ауданы әкімінің орынбасары Б.О. Жайкиннің төрағалығымен өткізілді. Тыңдауға Мақат ауданы әкімдігінің, ҮЕҰ өкілдері, жергілікті тұрғындар, оның ішінде қоғамдық ұйымдар арасынан онлайн-қатысушылар қатысты.
"West Dala" ЖШС экологтары полигон аумағында орналасқан көздерден атмосфераға ластаушы заттар шығарындылары нормативтерінің жобасы, қалдықтармен жұмыс істеу, экологиялық мониторинг және бақылау бағдарламасы, сондай-ақ табиғатты қорғау іс-шараларының жоспары бойынша презентация ұсынды.
Қоғамдық тыңдау барысында "West Dala" ЖШС мамандары жұртшылықтың сұрақтарына толық жауап берді. Жұртшылықтың барлық сұрақтарын, ескертулерін, ұсыныстарын хатшы хаттамаға енгізіп, әрі қарай порталға орналастыру үшін жергілікті атқарушы органға жолдады. Бұдан әрі жобалық құжаттама Атырау облысы бойынша экология департаментінде қаралады. Өткізілген қоғамдық тыңдауларды ескере отырып, "West Dala" ЖШС-не әсер етуге экологиялық рұқсат беру туралы шешім қабылданатын болады.
.JPG)