ҚОНАҚ ДӘРІСІН

11 қараша күні West Dala компаниясы Х. Досмұхамедов атындағы университеттің экология факультетінің студенттері үшін «Қалдықтарды тиімді басқару: жіктеуден кәдеге жаратуға дейін» тақырыбында қонақ дәрісін өткізді. Дәрісті компанияның Бас технологы — Масалимова Минара және эколог — Сагынбаев Ислам жүргізді. Университетпен осындай форматтағы ынтымақтастықтың мақсаты — студенттерге экология саласындағы қалдықтарды басқару мамандығының маңыздылығы мен әлеуметтік жауапкершілігін көрсету, сондай-ақ болашақ мамандардың сұрақтарына жауап беру.

Компания қызметкерлері дәріс барысында қалдықтарды басқару саласындағы мамандардың кәсіби этикасы мен жауапкершілігіне ерекше назар аударды. Себебі сауатты басқару – бұл тек өндіріс мәселесі емес, сонымен қатар адамдардың денсаулығына, орнықты дамуға және қоршаған ортаны қорғауға қосқан үлес. Дәріс кезінде студенттер үлкен қызығушылық танытып, пікірталасқа белсенді қатысып, практикалық сұрақтар қойды. Ал шағын тесттің жеңімпаздары компанияның қайта өңделген қалдықтардан жасалған естелік сыйлықтарын алды. Олардың белсенділігі мен өз саласында дамуға деген ұмтылыстарын көру қуанышты болды.

Х. Досмұхамедов атындағы университеттің басшылығына және оқытушыларына көрсеткен қолдауы үшін, ал студенттерге бастамашылдығы мен белсенді қатысқандары үшін алғыс білдіреміз!

 

 

Толығырақ:

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

Қасиетті Құрбан айт мерекесіне орай «West Dala» ЖШС мүмкіндігі шектеулі балаларды қолдау қорының қамқорлығындағы отбасыларға қайырымдылық көмек көрсетті.

West Dala Қазақстанды халықаралық аренада абыроймен таныстырып жүрген жас спортшылар мен спорттық бастамаларды белсенді қолдайды. Осындай маңызды жобалардың бірі — боксшы Бекхан Махамбетұлы Оразбайдың U15 және U17 Азия чемпионатына қатысуына демеушілік көрсету болды.

×