«Қалдықтарды басқару» оқу бағдарламасының ашылуы
КЕ АҚ «Х.Досмұхамедов атындағы Атырау университетімен» біздің серіктестігіміз жаңа қарқын алды деп қуана хабарлаймыз. West Dala жұмыс тобы мен университеттің эколог оқытушыларының бірлескен жұмысы «Қалдықтарды басқару» оқу бағдарламасын ҚР Ғылым және жоғары білім министрлігі мақұлдағанына әкелді!
Университет оқу үдерісіне алғаш рет қалдықтарды басқару саласындағы мамандарды даярлауға арналған бағдарлама енгізілді.
«Оқыту қалдықтарды басқару саласында инновациялық тәсілдерді пайдаланып, қалдықтарды басқару инфрақұрылымын құру кезінде экологиялық, экономикалық және әлеуметтік аспектілерді ескере отырып, білікті мамандарды даярлауға бағытталған», - дейді серіктесіміз, «Экология» кафедрасының меңгерушісі, техника ғылымдарының кандидаты Мансия Есенаманова.
Бұл оқыту нәтижесінде түлектер болашақта өндірістік және тұрмыстық қалдықтармен жұмыс істеу кезіндегі қауіп-қатерлерді реттеп, бақылап және алдын алуға мүмкіндік алады.
Серіктестік аясында West Dala компаниясының сарапшылары осы бағдарлама бойынша қонақ дәрістерге қатысып, Х.Досмұхамедов атындағы Атырау университеті студенттерінің тәжірибеден өтуіне қолдау көрсетеді.
Толығырақ:
West Dala компаниясы стратегиялық серіктесі — «Теңізшевройл» ЖШС жүргізген CHESM (еңбекті қорғау, қоршаған ортаны қорғау және мердігер ұйымдардың қауіпсіздігін басқару жүйесі) бойынша соңғы бағалау қорытындысы нәтижесінде өзінің жоғары деңгейін сәтті растады және ең жоғары баға — Grade A (96%) алды.
West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.
Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады. Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.