PETROCOUNCIL

Осы жылдан бастап West Dala компаниясы Қазақстанның мұнай-газ кеңесінің «PetroCouncil» мүшесі болды. Бұл қауымдастық Қазақстанның мұнай-газ саласындағы жергілікті қамтуды дамытуға бағытталған.

«PetroCouncil» миссиясы – мұнай-газ нарығының әділ және табысты дамуын қамтамасыз ету үшін күш-жігерді біріктіру және қолдау.

Қауымдастық жүзеге асырған жобалардың кейбірі:

  • Жылыой ауданындағы жұмыссыз тұрғындарға кәсіпкерлік негіздері бойынша оқыту
  • ТШО, НКОК, КПО ірі операторларымен сатып алу және алдын ала біліктілік бойынша семинарлар
  • ШОБ үшін ТШО және НКОК сатып алу және алдын ала біліктілік талаптары бойынша жадынама әзірлеу
  • және басқа да маңызды бастамалар!


West Dala компаниясы үшін «PetroCouncil» мүшесі болу – сараптамалық қолдау алудың ғана емес, сондай-ақ мұнай-газ нарығының негізгі ойыншыларымен, операторлармен және мүдделі тараптармен өзара іс-қимыл жасау үшін маңызды платформа болып табылады.

                                                  

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

×