Еңбек қауіпсіздігі және еңбекті қорғау жөніндегі Дүниежүзілік күнге орай НКОК Н.В. компаниясы бизнес-серіктестер, өндірістік нысандар мен құрылымдық бөлімшелердің басын қосқан 20 команда арасында Safety Quiz онлайн ойынын өткізді. Іс-шара Қауіпсіздік айлығы аясында НКОК Н.В. компанияның ӨҚ, ТҚ, ҚОҚ және ӨБ дирекциясының «Озық технологиялар орталығы» департаменті тарапынан ұйымдастырылды.
Әрқайсысы 5 қатысушыдан құралған командалар 7 раундты еңсерді, бұл ретте сұрақтардың тең жартысы еңбек және техника қауіпсіздігіне арналса, қалған 50 пайызы жалпы танымдық тақырыптарды қамтыды.
Бұл жай ғана викторина емес, білімді, жылдам реакцияны және командалық ауызбіршілікті сынайтын нағыз тартысты сайыс болды.
«West Dala Team» командасының намысын Баутино жобасының қызметкерлері қорғады. Командаға Өнеркәсіптік қауіпсіздік және еңбекті қорғау департаментінің басшысы капитандық етті.
Біздің әріптестеріміз үйлесімді ойын көрсетіп, жоғары дайындық деңгейін паш етті және іс-шараның ең жарқын қатысушыларының біріне айналды.
Мұндай бастамалар қауіпсіздіктің жай ғана талап емес, білім мен ортақ жауапкершілік арқылы қалыптасатын корпоративтік мәдениет екенін тағы бір мәрте дәлелдеді.
Ұйымдастырушыларға іс-шараны жоғары деңгейде өткізгені үшін алғыс айтамыз, ал өз командамызға компания атын лайықты таныстырып, кәсібилік пен тамаша нәтиже көрсеткені үшін ризашылығымызды білдіреміз.
.jpg)