ТАБИҒАТТЫ БІРГЕ САҚТАЙМЫЗ!

«ТАБИҒАТТЫ БІРГЕ САҚТАЙМЫЗ!» атты сенбілік өтті.

Дәстүр бойынша, жаңа көктем маусымының басында West Dala нысандарында қоғамдық жұмыс күндері өтеді. Биылғы жылы «Теңіз» ҚЖК-де және оған іргелес жатқан бүкіл аумақта инженерлік-техникалық қызметкерлер мен жұмысшылардың қатысуымен осындай іс-шара сәуір айында өтті. Қара-Арна жолының екі жағында, Базаның ішінде де, сыртында да тазалық қамтамасыз етілді.

Сенбілікке дейін қауіпсіз жұмыс қағидаттарына сәйкес қауіпсіздік ережелері, оның ішінде шаян, өрмекші, жыланның қауіптілігі туралы мақсатты брифинг өткізілді. Қатысушылар төрт адамнан 8 топқа бөлініп, жұмыс қыза бастады! Жалпы сенбілікте қоқыс пен қалдықтар жиналып, түрлері бойынша бөлініп, өңдеуге және кәдеге жаратуға жіберілді.

Сенбілікте компанияның басқа нысандары үшін «ТАБИҒАТТЫ БІРГЕ САҚТАЙМЫЗ!» челленджі басталды: «Теңіз» ҚЖК эстафетаны «Прорва» ҚЖК-не тапсырады.

                      

Толығырақ:

West Dala жаңа оқу жылының басталуымен құттықтайды! 1 қыркүйек — әрбір оқушы үшін жаңа үміттер, арман-мұраттар мен маңызды бастау. West Dala компаниясы дәстүрлі түрде «Мектепке жол» республикалық акциясына қатысып, балаларға қолдау көрсетіп, олардың жаңа оқу жылына сенімді қадам басуына жәрдемдесуде.  

Шілде айында ББЖ қайта сертификаттау аудитінің қорытындылары бойынша ұсыныстарды орындау аясында «Тәуекелдерді басқару» тақырыбында оқыту өтті.

West Dala қалдықтарды басқару және жаңартылатын энергия көздері бойынша ең ірі Еуразиялық форум — GREEN ENERGY & WASTE RECYCLING FORUM (GEWR) серіктесі болды. Компаниямыз 20 жылдығын атап өтіп жатқан биылғы жылы да осы саланың мүддесін қорғаушы KazWaste қауымдастығының барлық бастамаларын қолдауды жалғастыруда.

×