ТАБИҒАТТЫ БІРГЕ САҚТАЙМЫЗ!

«ТАБИҒАТТЫ БІРГЕ САҚТАЙМЫЗ!» сенбіліктердің маусым марафоны West Dala нысандарында жалғасады!

Естеріңізге сала кетейік, айдың басында «Прорва» ҚЖК қызметкерлері эстафетаны «Теңіз» ҚЖК әріптестерінен алған болатын. Прорвадан кейінгі кезекті сенбілік «Қошанай» ҚЖК-інде өтті. Күткендей, инженерлік-техникалық құрам мен қызметкерлер үшін тазалық жұмыстарының алдында арнайы қауіпсіздік нұсқауы өткізілді, содан кейін жұмыс қайнап кетті! Санаулы сағаттардың ішінде Қошанай кешенінің абаттандырылған аумағы бұрынғыдан да тазара түсті! Жиналған он қап қоқыс пен қалдық түрі бойынша бөлініп, кәдеге және қайта өңдуге жаратуға жіберілді.

«ТАБИҒАТТЫ БІРГЕ САҚТАЙМЫЗ!» эстафетасы «Өзен» ҚЖК нысанына тапсырылды, біз сізге бұл оқиға туралы міндетті түрде айтып береміз. Біздің жаңалықтарды бақылаңыз!

  

  

Толығырақ:

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

Қасиетті Құрбан айт мерекесіне орай «West Dala» ЖШС мүмкіндігі шектеулі балаларды қолдау қорының қамқорлығындағы отбасыларға қайырымдылық көмек көрсетті.

West Dala Қазақстанды халықаралық аренада абыроймен таныстырып жүрген жас спортшылар мен спорттық бастамаларды белсенді қолдайды. Осындай маңызды жобалардың бірі — боксшы Бекхан Махамбетұлы Оразбайдың U15 және U17 Азия чемпионатына қатысуына демеушілік көрсету болды.

×