ТЕҢІЗ

West Dala ККЖ жобасына қосқан үлесі үшін күміс медальмен марапатталды

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Біздің командамыз ККЖ жобасында 2019 жылдан 2025 жылға дейін, 5 жыл бойы жұмыс істеп, мобильді дәретханалық кешендерді жалға беру және қызмет көрсету, су жеткізу, аумақтарды тазарту және шаруашылық-тұрмыстық суларды сору қызметтерін ұсынды. Сонымен қатар, компания барлық ККЖ нысандарында, соның ішінде 3GP зауыты, 3GI Gasering, Construction Compound, Orken Village объектілерінде 2000-нан астам бункерлер, еуроконтейнерлер және стандартты контейнерлерді жалға беріп, қызмет көрсетті. Біз жұмыс істеген барлық уақыт ішінде бірде-бір оқиға тіркелмегенін және біздің қызметіміз ең жоғары стандарттарға сәйкес келгенін мақтанышпен айтамыз.

Бұл – бүкіл West Dala командасының жетістігі! Кәсібиліктеріңіз, жауапкершіліктеріңіз және жобаның сәтті іске асырылуына қосқан үлестеріңіз үшін алғысымызды білдіреміз!

 

                          

Толығырақ:

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×