UGF'24

VII «Uralsk Green Forum» экологиялық форумында мемлекеттік және жеке секторлардың өкілдері, салалық және мамандандырылған қауымдастықтардан, сондай-ақ сарапшылар мен депутаттардан 200-ден астам қатысушы қатысты. Форумға West Dala компаниясынан делегаттар ең үздік қолжетімді технологияларды енгізу мүмкіндіктері мен тәжірибесін зерттеу мақсатында қатысты.

Форум барысында климаттың өзгеруі, энергия үнемдеу, таза өндіріс және жасыл қаржыландыру, жаңартылатын энергия көздерін пайдалану және өнеркәсіпте төмен көміртекті даму, сондай-ақ экологиялық стартаптар мен инновациялық технологиялар мәселелері талқыланды.

Форумда «Қалдықтарды басқарудағы тұрақты даму» тақырыбында панельдік сессия ұйымдастырылды, оған мердігер компаниялар, қалдықтарды қайта өңдеу компаниялары және қалдықтарды басқаруды оңтайландыру жобаларына қатысатын студент жастар қатысты.

 

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

×